ഉച്ച മയക്കത്തിന്റെ ആലസ്യമുണര്‍ന്ന്‌ മനോജ് ചായ കുടിക്കുവാനിരുന്നു. അതാ മുറ്റത്തു നിന്ന് ഒരു സ്‌ത്രീ ശബ്ദം. അമ്മച്ചീീീ.. ഒരു ചെറുപ്പക്കാരി നീട്ടി വിളിക്കുന്നു. അതിനെ തുടര്‍ന്ന്‌ ഒരു പുരുഷ ശബ്ദം നീട്ടി വിളിക്കുന്നു. ചേച്ചീീീ..
ആ വിളികള്‍ രണ്ടു മൂന്നു തവണ ആവര്‍ത്തിച്ചു. അയാള്‍ പതുക്കെ എഴുന്നേറ്റു പുറത്തേക്കു നടന്നു.
നമസ്‌കാരം, സാര്‍ ഞങ്ങള്‍ കുറച്ചു പ്രൊഡകറ്റ്‌ പരിചയപ്പെടുത്തുവന്‍ വന്നതാണ്. സാര്‍ വാങ്ങിക്കണമെന്നില്ല. ഞങ്ങളുടെ കമ്പനിയുടെ പ്രോഡക്‌റ്റ്‌ കടയില്‍ നിന്ന് വാങ്ങാന്‍ കിട്ടുകയില്ല. ഞങ്ങള്‍ മാനേജ്‌മെന്റ്‌ ട്രൈനിംഗിന്റെ ഭാഗമായാണ്‌ ഈ പ്രോഡക്‌റ്റ്‌ ഇവിടെ വില്‍ക്കുവാന്‍ വന്നത്‌.
അവര്‍ വാചാലമായി.
ഇതിനിടയില്‍ അവര്‍ അവരുടെ ബാഗുകള്‍ തുറന്ന്‌ ഓരോന്നായി പുറത്തെടുത്തു കാണിക്കുവാന്‍ തുടങ്ങി.
മനോജ് പതുക്കെ അയാളുടെ പൂര്‍വ്വ കാല സ്‌മരണകളിലേക്ക്‌ ചേക്കേറാന്‍ തുടങ്ങി. അയാള്‍ M.B.A.യും M.C.A. യും കഴിഞ്ഞ്‌ ജോലി അന്വേഷിക്കുന്ന കാലം. അതാ പത്രത്തില്‍ ആകര്‍ഷണീയമായ പരസ്യം.പത്താം തരത്തിനു മുകളിലുള്ളവര്‍ക്ക്‌ കമ്പനി മാനേജരാകാം. ശമ്പളം രൂപ. പതിനയ്യായ്യിരം മുതല്‍. പല സ്ഥലത്തും അപേക്ഷ അയച്ച്‌ മടുത്ത്‌ മാനം നോക്കിയിരിക്കുന്ന സമയം. അയാള്‍ ഉടനെ അപേക്ഷയും ബയോഡാറ്റയും കമ്പനിയിലേക്ക്‌ അയച്ചു.
ഒരാഴ്‌ച കഴിഞ്ഞപ്പോള്‍ ഫോണ്‍ വിളി വന്നു. കണ്‍ഗ്രാജ്ജുലേഷന്‍സ്‌ മി. മനോജ്. നിങ്ങളെ കെന്റ്‌ സ്‌മാര്‍ട്ട്‌ കമ്പനിയിലേക്ക്‌ ട്രൈയിനിയായി സെല്‌ക്‌റ്റ്‌ ചെയ്‌തിരിക്കുന്നു. മഞ്ചേരി ടൗണിലാണ്‌ ഈ സ്ഥാപനം. ഭക്ഷണവും, താമസവും നിങ്ങള്‍ക്ക്‌ സൗജന്യമാണ്‌. മൂന്ന്‌ ആഴ്‌ചയിലേക്കുള്ള ഡ്രസ്സും മറ്റും എടുക്കണം. നാളെ തന്നെ ജോയിന്‍ ചെയ്യാം. ട്രൈനിംഗ്‌ പിരീഡില്‍ സാലറിയോ മറ്റു ആനുകൂല്യങ്ങളോ ലഭിക്കില്ല.പഞ്ചാര വാക്കുകള്‍ ഇടമുറിയാതെ വന്നു കൊണ്ടിരുന്നു.
അതിനിടയില്‍ മനോജ് ആരാഞ്ഞു. മനാേജര്‍ പോസ്‌റ്റ എന്ന്‌ ഉദ്ദേശിക്കുന്നത്‌ മാര്‍ക്കറ്റിംഗ്‌ ആണോ. ഞന്‍ M.B.A. ഫിനാന്‍സ്‌ ആണ്. മനോജ്, മാര്‍ക്കറ്റിിംഗ്‌ സെക്ഷനല്ലെന്ന്‌ സംശയ നിവര്‍ത്തിയും വരുത്തി.
മനോജ് സാധനങ്ങള്‍ എല്ലാം പാക്ക്‌ ചെയ്‌ത്‌ മാതാപിതാക്കളില്‍ നിന്ന് അനുഗ്രഹം വാങ്ങി ജോലിക്കായി പടിയിറങ്ങി.
അച്ഛന് ശകുനത്തില്‍ നല്ല വിശ്വാസമാണ്‌. മകനെ യാത്രയാക്കന്‍ പുറപ്പെട്ടപ്പോള്‍ ശകുനം നോക്കി.അതാ ഒരു ദുശ്ശകുനം നേരെ വരുന്നു. അച്ഛന്‍റെ സ്വപനം തകര്‍ന്നു. എന്നാലും മകന്‍ മാനേജരായി കമ്പനിയില്‍ കയറണം. 3 മാസത്തെ ട്രൈനിംഗ്‌ കഴിഞ്ഞാല്‍ മകന്‍ ഉദ്യോഗസ്ഥനായി. അച്ഛന് ആശ്വാസം കൊണ്ടു.
വിഘ്‌നേശ്വരാ, എല്ലാ തടസ്സങ്ങളും നീക്കി. മകനെ അനുഗ്രഹിക്കണേ എന്ന്‌ പ്രാത്ഥിച്ചു.
അമ്മയും അനുഗ്രഹിച്ചു യാത്രയാക്കി. ഇടയ്ക്കിടെ വിളിക്കുവാൻ പ്രത്യേകം ഓർമ്മപ്പെടുത്തി.
മനോജ് യാത്ര ചെയ്യവേ ഓഫിസ്സില്‍ നിന്ന് കോള്‍ വന്നു. യാത്ര പുറപ്പെട്ടോ? തനിച്ചാണോ?
അസിസ്‌റ്റന്റ്‌ മനാേജര്‍ അബ്ദുളിന്റെ അന്വേഷണം.
മഞ്ചേരിയിൽ എത്തിയ മനോജ് അസി. മാനേജരെ വിളിച്ച്‌ വഴി തിരക്കി.
അയാൾ പറഞ്ഞതനുസരിച്ച്‌ ബസ്സിറിങ്ങി. സ്‌റോപ്പില്‍ അബ്ദുള്‍ കാത്തു നിന്നിരുന്നു.
അബ്ദുള്‍ ചൊറുചൊറുക്കുള്ള 23 വയസ്സ്‌ പ്രായമുള്ള ഒരു യുവ കോമളന്‍.
അയാള്‍ മനോജിനേയും കൂട്ടി ഒരു ഇടവഴിയിലുടെ നടന്നു. ഒരു പഴയ കെട്ടിടത്തിലേക്ക്‌ ആനയിച്ചു.
അതാ മുറി. ഒരു മുറി കാണിച്ച്‌ അവിടെ വിശ്രമിച്ചുകൊള്ളുവാന്‍ പറഞ്ഞ്‌ അബ്ദുള്‍ അവിടെ നിന്ന് പുറത്തേക്ക്‌ നടന്നു.മനോജ് ആ മുറിയാകെ ചുറ്റിനും ഒന്നു നോക്കി. മടുപ്പിക്കുന്ന ഗന്ധം. പഴയ ഡ്രസ്സുകള്‍ അവിടവിടെയായി വലിച്ചിട്ടിരിക്കുന്നു. ഏതാനും ബാഗുകള്‍ അവിടവിടെയായി കിടപ്പുണ്ട്‌. മനോജ് ഡ്രസ്സ മാറി പുറത്ത്‌ വന്നു.
അത്‌ ഒരു ഹാളിലേക്കായിരുന്നു. ഹാളില്‍ T.V. കണ്ടുകൊണ്ട്‌ അബ്ദുള്‍ ഇരിക്കുന്നുണ്ടായിരുന്നു.അബ്ദുള്‍ മനോജിനെ T.V. കാണുവാന്‍ സ്വാഗതം ചെയ്‌തു. T.V. കാണുന്നതിനിടയില്‍ മറ്റൊരു ചെറുപ്പക്കാരന്‍ (30 വയസ്സ്‌ പ്രായം തോന്നിക്കും) കയറിവന്നു.
അബ്ദുള്‍ പറഞ്ഞു അതാണ്‌ നമ്മുടെ മാനേജര്‍ ജലാമുദ്ദിന്‍. 70,000 രുപ ശമ്പളം ഉണ്ട്‌. ഒരു പണിയും ഇല്ല.
മാനേജരുമായി പരിചയപ്പെട്ടു. ഉടനെ തന്നെ ബൈക്ക്‌ എടുത്ത്‌ മാനേജർ മടങ്ങി.
അബ്ദുളിന്‌ എത്രയാ ശമ്പളം?
മനോജ് ആരാഞ്ഞു. 15,000 രൂപ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ